لأول مرة في تتاريخ القضاء المصري.. امرأة تمثل النيابة العام في محاكمة جنائية
لأول مرة في تاريخ القضاء المصري، اعتلت سيدة تدعى داليا محمود، مقام ممثل النيابة العامة أمام محكمة جنايات جنوب الجيزة، في قضية محاكمة المتهم بقتل بنداري محامي كرداسة، اليوم الأحد 12 فبراير 2023.
وأدت ممثل النيابة العامة السيدة داليا محمود مرافعتها، واستمعت لها محكمة جنايات الجيزة، في جلسة محاكمة المتهم محمد. ف، بـ قتل بنداري حمدي بنداري أحمد، الشهير بـ محامي كرداسة عمدًا مع سبق الإصرار والترصد.
وقالت ممثل النيابة العامة في مرافعتها أمام هيئة المحكمة بجنوب الجيزة، في قضية مقتل بنداري محامي كرداسة، إنه من قتل يُقتل فالمتهم لا يعرف إلا صورة القسوة، وقتل المحامي غدرًا، والمحاماة مهنة مقدسة ندافع عنها.
وتابعت ممثل النيابة العامة: اشتعلت الخصومة بين المتهم والمجني عليه حمدي بنداري، عندما خسر الأخير القضايا التي أوكله إياها المتهم، وانتهت لصالح الخصوم، فصورت نفس المتهم له أنه مظلوم وقرر الانتقام، وقتل من كان يدافع عنه أمام خصومه، وكتم غيظه حتى نفذ جريمته ضد المحامي، وحمل بندقية و10 خزنات، وتوجه بها إلى مكتب المحامي، وأمطره بوابل من الرصاص، فلم يتمكن المجني عليه من الهرب والفرار، وخر صريعًا.
وقال المتهم بقتل محامي كرداسة عن يوم الواقعة وارتكاب الجريمة: بعد عدة خلافات وقضايا خسرها البنداري أنا ركبت الموتوسيكل بتاعي وعلقت السلاح على كتفي والشنطة على كتفي التاني وكان معايا عباية لونها أصفر لبستها عشان أداري السلاح وروحت على مكتب الأستاذ بنداري عشان انتقم منه هو وأهل نورا طليقتي وأول ما وصلت ركنت الموتوسيكل وقلعت العباية رميتها على الأرض وروحت ماسك السلاح وواقف على مكتب بنداري ولقيته قاعد في المضيفة في وش باب المدخل وكان فيه عيل صغير في المدخل فأنا ضربت نار ناحية بنداري عشان أموته.
وأضاف: وقتها أنا كنت واقف على باب المكتب من برة، ودخلت ضربت فيه من جوه الباب لحد ما شوفته اتعور وروحت خارج وكان السلاح في إيدي ووقتها ضربت حوالي تلات طلقات في الجو علشان محدش يقربلي علشان الناس كانت بدأت تتلم وركبت الموتوسيكل بتاعي وهربت روحت عند أبويا في مساكن كفر الجبل لحد ما الحكومة جات وخدتني من هناك وخدوا السلاح والخزن والطلقات والموتوسيكل بتاعي وجابوني على هنا وهو ده كل اللي حصل.
